今日喺度整理緊啲自己加嘅 search engine，用嘅係 Brave browser，冇開到 sync 功能，想睇下點樣可以批量管理 search engine，唔使每次用新 browser 都要逐個加。
有人提到 search engine 係放咗喺 %LOCALAPPDATA%\BraveSoftware\Brave-Browser\User Data\[PROFILE]\Web Data 嘅 SQLite database 入面嘅 keywords table。於是就 download 咗個 SQLite browser 睇下，所有 search engine 都喺晒入面。
之後就要試下 insert 去 呢個 table 可唔可以加到 search engine。
先準備一條 insert statement，喺其中一條 record right click，揀 Copy as SQL，再修改一下：
INSERT INTO "main"."keywords" ("short_name", "keyword", "favicon_url", "url", "safe_for_autoreplace", "originating_url", "date_created", "usage_count", "input_encodings", "suggest_url", "prepopulate_id", "created_by_policy", "last_modified", "sync_guid", "alternate_urls", "image_url", "search_url_post_params", "suggest_url_post_params", "image_url_post_params", "new_tab_url", "last_visited", "created_from_play_api", "is_active", "starter_pack_id", "enforced_by_policy") VALUES ('YouTube', '@youtube', 'https://www.youtube.com/favicon.ico', 'https://www.youtube.com/results?search_query={searchTerms}', '0', '', '', '0', '', '', '0', '0', '', '117d06ca-0014-455d-a34b-9b49853d5a0d', '[]', '', '', '', '', '', '0', '0', '1', '0', '0');
要熄咗 browser 先，之後抄一份 Web Data 出嚟備份。再行 insert statement。成功加到 YouTube search。
即係話將加咗嘅 search engine save 成 SQL statement，要用嘅時候透過 SQLite 倒返落 Web Data 就可以。
- 完 -